Sun’iy intellektdan (SI) foydalanish siyosati

“Research Focus” xalqaro ilmiy jurnali mualliflik va SI vositalari masalasida COPE pozitsiyasiga amal qiladi. Ushbu siyosat mualliflar, taqrizchilar va muharrirlarga taalluqli.

Mualliflar

SI vositalari, jumladan ChatGPT kabi katta til modellari, muallif sifatida ko‘rsatilmaydi: ular ish uchun javobgarlikni o‘z zimmasiga ola olmaydi, qo‘lyozmaning yakuniy variantini tasdiqlay olmaydi va manfaatlar to‘qnashuvini e’lon qila olmaydi.

Mualliflar SI vositalaridan matnning tili va o‘qilishini yaxshilash uchun foydalanishi mumkin. Boshqa har qanday foydalanish (masalan, matn yaratish, ma’lumotlarni tahlil qilish, rasm va grafiklar tayyorlash yoki adabiyot qidirish) “Usullar” bo‘limida yoki qo‘lyozma oxiridagi alohida izohda vosita nomi va qanday ishlatilgani bilan ko‘rsatilishi shart.

Qo‘lyozma mazmuni, jumladan SI yordamida tayyorlangan qismlari uchun to‘liq javobgarlik mualliflar zimmasida. SI natijalari aniqlik, xolislik va to‘g‘ri iqtibos nuqtayi nazaridan tekshirilishi, SI taklif qilgan adabiyotlar esa asl manbalar bilan solishtirilishi kerak.

Generativ SI yordamida yaratilgan yoki o‘zgartirilgan tasvir, rasm va ma’lumotlar qabul qilinmaydi. SI tadqiqot dizaynining bir qismi bo‘lgan va to‘liq tavsiflangan holatlar bundan mustasno.

Taqrizchilar

Taqrizdagi qo‘lyozmalar maxfiy hisoblanadi. Taqrizchilar qo‘lyozmani yoki uning biror qismini SI vositalariga yuklamasligi va taqriz xulosasini yozishda bunday vositalardan foydalanmasligi kerak.

Muharrirlar

Muharrirlar yuborilgan qo‘lyozmalar va ular bo‘yicha yozishmalarni SI vositalariga yuklamaydi. Tahririy qarorlarni odamlar qabul qiladi, bu vazifa SI ga topshirilmaydi.

Oshkor qilinmagan foydalanish

SI dan oshkor qilinmagan holda foydalanilgani nashrdan oldin aniqlansa, qo‘lyozma mualliflarga qaytarilishi yoki rad etilishi mumkin. Nashrdan keyin aniqlansa, jurnal tuzatish va retraktsiya siyosatiga muvofiq choralar ko‘radi.

Aloqa

Ushbu siyosat bo‘yicha savollar: ReFocusJournal@gmail.com